7
Table of Contents
متحدہ عرب امارات میں ٹریفک کے نئے تادیبی ضوابط جاری کر کیے گئے ہیں۔ سنگین خلاف ورزیوں کے مرتکب ڈرائیور کا لائسنس تین سال کےلیے معطل کیا جا سکے گا۔
یہ اقدام امارات میں سڑکوں کی سیفٹی کو مزید بہتر بنانے کی حکومتی کوششوں کا حصہ ہے۔
امارات الیوم کے مطابق فیڈریشن آف ٹریفک کی جانب سے جو ضوابط جاری کیے گئے ان کے تحت ایسے ڈرائیور جو سیز لائسنس پر ڈرائیونگ کرتے ہوئے پکڑے جائیں گے انہیں تین ماہ قید اور 10 ہزار درھم جرمانہ یا دونوں سزائیں بیک وقت بھی دی جاسکتی ہیں۔
اماراتی کورٹس نے گزشتہ چند برسوں کے دوران سنگین ٹریفک خلاف ورزیوں پر متعدد افراد کو سخص سزائیں سنائیں ہیں جن میں نمایاں جرائم میں نشہ کے حالت میں ڈرائیونگ کرنا اور انتہائی خطرناک انداز میں گاڑی چلاتے ہوئے اپنی اور دوسروں کی جانوں کو ہلاکت میں ڈالنا شامل تھا۔
نئے جاری ٹریفک ضوابط میں سنگین حادثے کا سبب بننے والے ڈرائیور کو حراست میں لیا جاسکتا ہے جس کی وجہ سے کوئی ہلاک یا انتہائی شدید زخمی ہوا ہو۔
غیرمناسب طریقے سے گاڑی چلانے پر کسی شخص کی املاک کو نقصان پہنچنے کی صورت میں بھی ڈرائیور کو حراست میں لیا جائے گا۔
