پتنگوں اور ڈور کی طرح چکن، مٹن اور بیف کی قیمتیں بھی آسمان سے باتیں کرنے لگیں

رنگوں اورخوشیوں کے تہوار بسنت پرلذیذ پکوانوں کیلئے چکن ،مٹن اور بیف کی خریداری بھی بڑھ گی۔ چکن کی کنٹرول قیمت 526 روپے فی کلوگرام مقررہے مگرپتنگوں اور ڈور کی طرح بسنت پر چکن ،مٹن اور بیف کی قیمتیں بھی آؤٹ آف کنٹرول ہوگئی ہیں۔

قصاب کی دکانوں اور سپر سٹوروں پرمٹن 2800 سے 3200 اور بیف 1200 سے 1400 روپے فی کلوگرام بک رہاہے۔

سپر سٹوروں پر ڈی سی کاؤنٹر پر غیرمعیار مٹن ،پھل اور سبزیاں رکھی جارہی ہیں،شہریوں نے ڈی سی اور پنجاب حکومت سے مٹن اور بیف کی قیمتیں کنٹرول کرنے کا مطالبہ کیاہے۔