اسلام آباد (ویب ڈیسک) پاکستان سمیت دنیا بھر میں فیس بک مبینہ طور پر ڈاؤن ہوگئی جس کی وجہ سے صارفین کو مشکلات کا سامنا ہے ، گزشتہ رو ز فیس بک کے ملکیتی پلیٹ فارم انسٹاگرام سے متعلق بھی شکایات سامنے آئی تھیں۔
تفصیل کے مطابق پاکستان میں صارفین کو پروفائلز کی تبدیلی وغیرہ میں مشکلات درپیش ہیں جس کی وجہ سے پروفائل تبدیل نہیں ہورہیں اور فیس بک کی طرف سے میسج مل رہا ہے کہ یہ پیج کا م نہیں کررہا ، اس وقت فیس بک آپ کی یہ ریکوئسٹ ہینڈل نہیں کرسکتایا پھر یہ کہ ، یہ( مطلوبہ) پیج اس وقت دستیاب نہیں۔
ماہرین کا خیال ہے کہ فیس بک سرور میں مسئلہ درپیش ہے تاہم تصدیق نہیں ہوسکی ۔فیس بک پر مسئلے کی نشاندہی سے متعلق ساؤتھ افریقہ سمیت کئی ممالک سے ایکس پر پوسٹس دیکھی گئی ہیں ، ایک صارف نے بتایاکہ ” ایسا محسوس ہوتا ہے کہ فیس بک کمپوٹرز پر نہیں چل رہی تاہم موبائل فونز پر ٹھیک کام کررہی ہے "۔
