سونے کے نرخوں میں تیزی برقرار، فی تولہ قیمت کیا ہوگئی؟

ملک بھر میں سونے کی قیمت میں آج بھی 2000 روپے سے زائد کا اضافہ ریکارڈ کیا گیا ہے، جس کے بعد فی تولہ نرخ نئی بلند سطح پر پہنچ گئے۔

آل پاکستان جیمز اینڈ جیولرز ایسوسی ایشن کے مطابق فی تولہ سونے کی قیمت میں 2300 روپے اضافہ ہوا ہے، جس کے بعد فی تولہ سونا 5 لاکھ 28 ہزار 562 روپے کا ہو گیا ہے۔

ایسوسی ایشن کے مطابق 10 گرام سونے کی قیمت میں 1972 روپے اضافہ ریکارڈ کیا گیا، جس کے بعد 10 گرام سونا 4 لاکھ 53 ہزار 156 روپے میں فروخت ہو رہا ہے۔

دوسری جانب عالمی صرافہ مارکیٹ میں بھی سونے کی قیمت میں اضافہ دیکھا گیا، جہاں سونا 23 ڈالر مہنگا ہو کر 5058 ڈالر فی اونس تک پہنچ گیا۔