صنعتی شعبے کیلئے گیس معطل، سوئی سدرن نے اہم فیصلہ کر دیا

سوئی سدرن گیس کمپنی نے اہم فیصلہ کرتے ہوئے صنعتی شعبے کیلئے گیس معطل کردی۔

صنعتی صارفین کو 24 گھنٹے کیلئے گیس کی فراہمی بند کردی گئی ہے، اب اتوار صبح 8 بجے سے پیر صبح 8 بجے تک صنعتی صارفین کےلئےگیس معطل رہے گی۔

سوئی گیس کی بندش سے کیپٹو پاور پلانٹس سمیت تمام صنعتی یونٹس متاثرہوں گے۔

سوئی سدرن کے مطابق یہ فیصلہ گیس پریشر بہتر بنانے کیلئے کیا گیا ہے، سوئی سدرن گیس کمپنی اپنے صارفین کو بہتر گیس پریشر کی فراہمی کے لیے مسلسل پرعزم ہے۔

ترجمان سوئی سدرن کے مطابق تمام شعبوں کے درمیان گیس کی منصفانہ تقسیم کو یقینی بنانے اور لائن پیک کو بہتر بنانے کے پیش نظر فیصلہ کیا جس کے تحت تمام صنعتی صارفین بشمول کیپٹو پاور پلانٹس کو گیس کی فراہمی اتوار کی صبح 8بجے سے پیر کی صبح 8بجے لیئے معطل رہیگی۔