لاہور( ڈیلی پاکستان آن لائن) ریونیو بڑھانے کیلئے پنجاب ریونیو اتھارٹی میں سپیشل یونٹ قائم کرنے کا فیصلہ کر لیا گیا ۔
تفصیلات کے مطابق ریونیو بڑھانے کے لئے حکومت پنجاب نے مؤثر اقدامات کیے ہیں اور اب پنجاب ریونیو اتھارٹی میں سپیشل یونٹ قائم کرنے کا فیصلہ کیاگیا ہے-پی آر اے سپیشل یونٹ میں فیکٹوریل، ٹیکس کنسلٹنٹ، لیگل ایکسپرٹ اور ڈیٹا اینا لیس شامل ہوں گے-پنجاب ریونیواتھارٹی میں 130انفورسمنٹ آفیسرز کی بھرتی کی اصولی منظوری دی -پنجاب ریونیواتھارٹی نے دائرہ کار 30 اضلاع تک بڑھانے کا فیصلہ کیاہے-
وزیراعلیٰ مریم نواز نے اضلاع تک ریونیواتھارٹی کی توسیع کے لیے 30اکتوبر تک کی ڈیڈ لائن مقرر کر دی ہے- اضلاع میں ریونیواتھارٹی سے متعلق اضافی ذمہ داریاں اے ڈی سی جی کو تفویض کرنے کی ہدایت کی-پنجاب میں ریونیوبڑھانے کے لئے 19 نئے سیکٹر زشامل کرنے کا جائزہ لیاگیا-ٹیکس دہندگان کے لئے پی آر اے نے سہولت ایپ متعارف کر ادی ہے-
وزیراعلیٰ مریم نوازنے کہا ہے کہ ایمانداری سے ٹیکس ادا کرنے والوں کو پریشان نہ کیا جائے،نئے سیکٹر متعارف کرائے جائیں۔ وزیراعلیٰ نے ٹیکس ریونیو میں شفافیت یقینی بنانے کی ہدایت کی-
وزیراعلیٰ مریم نواز کی زیر صدارت ریونیو کلیکشن سے متعلق خصوصی اجلاس ہوا- ڈی جی پی آر اے معظم علی سپرا نے ٹیکس اہداف اور نئے سیکٹرز کے بارے میں تفصیلی بریفنگ دی-