لاہور(ڈیلی پاکستان آن لائن) ہر سال دنیا بھر میں نئے آئی فونز کا بے صبری سے انتظار کیا جا تا ہے۔اس سال آئی فون 17 سیریز کو متعارف کرانے کی تیاری جاری ہے۔
جیو نیوز کے مطابق بلومبرگ کی ایک رپورٹ میں کہا گیا ہے ایپل کے نئے آئی فونز 9 یا 10 ستمبر کو ایک ایونٹ کے دوران متعارف کرائے جائیں گے۔
رپورٹ میں کہا گیا ہے آئی فون 17 سیریز 7 ماڈلز پر مشتمل ہوگی۔ یہ سیریز آئی فون 17، آئی فون 17 ائیر، آئی فون 17 پرو اور آئی فون 17 پرو میکس پر مشتمل ہوگی۔
آئی فون 17 سیریز کے بیک پر کیمرا ڈیزائن کو نمایاں حد تک تبدیل کیے جانے کا امکان ہے۔آئی فون 17 سیریز میں بیک پر اسکوائر کیمرا سیٹ اپ کو ختم کر دیا جائے گا اور اس کی جگہ نیا ڈیزائن اپنایا جائے گا۔آئی فون 17 ائیر اس کمپنی کا سب سے پتلا اسمارٹ فون ہوگا جو کہ آئی فون 16 پلس کی جگہ لے گا۔