اسلام آباد (ڈیلی پاکستان آن لائن)طلباء کیلیے خوشخبری ، لیپ ٹاپ کی تقسیم کا آغاز رواں ماہ ہو گا۔
’’این این آئی‘‘ کے مطابق وزیراعظم یوتھ پروگرام کے تحت قابل اور ذہین طلبا ءمیں لیپ ٹاپ کی تقسیم کا آغاز 30 اکتوبر سے ہو گا۔ وزیراعظم یوتھ پروگرام کے عہدیدار کے مطابق پروگرام کے تحت ملک بھر کے 1 لاکھ ہونہار طلبا کو مفت لیپ ٹاپ فراہم کئے جائیں گے۔
اس حوالے سے مرکزی تقریب کا انعقاد جناح کنونشن سینٹر اسلام آباد میں ہو گا۔ مرکزی تقریب کے بعد صوبائی دارالحکومتوں میں بھی تقریبات کا انعقاد کیا جائے گا۔ وزیراعظم یوتھ پروگرام کے تحت ذہین اور باصلاحیت نوجوانوں میں میرٹ پر لیپ ٹاپ تقسیم کیے جائیں گے۔ وزیراعظم یوتھ پروگرام لیپ ٹاپ سکیم کیلئے کامیاب امیدواروں کی فہرست ہائیر ایجوکیشن کمیشن جاری کرے گا۔