لاہور (ڈیلی پاکستان آن لائن) پنجاب ریونیو اتھارٹی کی صوبے بھر میں ٹیکس قوانین کی خلاف ورزی کرنیوالوں کیخلاف کارروائیاں، صارفین سے پیسے وصولی کا ریکارڈ ضبط کرتے ہوئے 60 لاکھ سے زائد جرمانے عائد کردیے۔
ترجمان پنجاب ریونیو اتھارٹی کے مطابق لاہور، گجرات، گوجرانوالہ اور ساہیوال میں متعدد معروف ہوٹلز اور فوڈ چین ریسٹورنٹس کی چیکنگ کی گئی، متعدد ریسٹورنٹس کو آئی ای ایم ایس سسٹم نہ لگانے پر نوٹسز جاری کیے گئے۔
ترجمان کا کہنا ہے ٹیکس سسٹم میں جعلسازی کرنیوالوں کیخلاف بلا امتیاز کارروائیوں کا آغاز کردیا گیا ہے۔ پنجاب ریونیو اتھارٹی کے الیکٹرانک انوائسنگ سسٹم پر تمام سیلز کا ریکارڈ رکھنا لازم ہے۔