پشاور: خیبرپختونخوا نے اپنے وسائل سے 112 مہنگی گاڑیوں کی بلٹ پروفنگ کا عمل پورا کرلیا، گاڑیوں کی تیاری پر ایک ارب 80 کروڑ روپے کے اخراجات آئے۔
سما ٹی وی کے مطابق ذرائع کا کہنا ہے خیبرپختونخوا حکومت کا 112 بلٹ پروف گاڑیوں کی تیاری پر ایک ارب 80 کروڑ کے اخراجات آئے ہیں جبکہ صوبے کے لئے نئی بلٹ پروف گاڑیوں کی خریداری بھی رواں سال کے بجٹ میں شامل ہے۔نئے وزیراعلی چاہیں تو مزید بلٹ پروف گاڑیاں بھی خریدی جاسکتی ہیں۔صوبے نے 2 کروڑ 80 لاکھ فی گاڑی کے حساب سے 15 ھیول گاڑیاں تیارکی ہیں۔ 11 کروڑ 90 لاکھ کی لاگت سے فی بکتر بند 11 گاڑیاں تیار کی گئی ہیں۔48 سنگل کیبن گاڑیوں پر فی گاڑی ساڑھے سولہ لاکھ خرچہ آیا ہے۔زیادہ تر گاڑیاں تیار ہوچکی ہیں جو بقایا ہیں ان پر کام جاری ہے۔یہ گاڑیاں ضلع کرم، لکی مروت اور بالائی جنوبی وزیرستان ،باجوڑ اور اورکزئی کو بھی ان ایک سو 12 گاڑیوں میں سے حصہ دیا جائے گا۔۔۔ان گاڑیوں کے بعد بھی پولیس کی دیگر ضروریات کو اپنے وسائل سے پورا کیا جارہا ہے۔