فلسطینی دھڑوں، جن میں حماس بھی شامل ہے، میں جمعے کے روز اتفاق ہوا ہے کہ جنگ کے بعد غزہ کا انتظام ایک آزاد ماہرین (ٹیکنوکریٹس) پر مشتمل کمیٹی کے سپرد کیا جائے گا۔
خبر رساں ادارے اے ایف پی کے مطابق حماس کی ویب سائٹ پر جاری ایک مشترکہ بیان میں کہا گیا ہے کہ قاہرہ میں ہونے والے اجلاس میں تمام مرکزی فلسطینی گروپوں نے اس بات پر اتفاق کیا کہ غزہ کی انتظامیہ کو ایک عارضی فلسطینی کمیٹی کے حوالے کیا جائے۔
یہ کمیٹی آزاد اور غیرسیاسی ٹیکنوکریٹس پر مشتمل ہوگی۔
بیان میں کہا گیا ہے کہ یہ کمیٹی ’عرب برادر ممالک اور بین الاقوامی اداروں کے تعاون سے عوامی امور اور بنیادی خدمات کے انتظام کی ذمہ داری سنبھالے گی۔