سونے کی فی تولہ قیمت میں بڑی کمی

ملک میں ایک روزہ اضافے کے بعد سونے کی قیمت میں ایک بار پھر کمی آ گئی ہے۔

ملکی اور بین الاقوامی سطح پر سونے کے نرخوں gold price میں اتار چڑھاؤ کا سلسلہ جاری ہے، گزشتہ روز سونے کی قیمت میں 5 ہزار 300 روپے فی تولہ مہنگا ہوا تھا۔

آج سونے کے فی تولہ نرخ میں 1600 روپے کی کمی ہونے سے قیمت 4 لاکھ 22 ہزار 562 روپے ہو گئی ہے۔

دس گرام سونے کے نرخ میں 1372 روپے کمی ہوئی ہے جس کے بعد دس گرام سونا 3 لاکھ 62 ہزار 278 روپے کی سطح پر آ گیا ہے۔

عالمی مارکیٹ میں سونے کے نرخ میں 16 ڈالر کمی ہونے سے فی اونس سونے کا نرخ 4002 ڈالر ہو گیا ہے، چاندی بھی 65 روپے سستی ہونے سے فی تولہ 5127 روپے کی ہو گئی ہے۔