بازار میں برائلر مرغی کے گوشت کی قیمت میں اضافہ جاری ، جس کے بعد فی کلو برائلر گوشت کی قیمت 519 روپے ہو گئی ہے جو گزشتہ نرخوں سے 15 روپے زیادہ ہے۔
اسی طرح، مٹن کے سرکاری نرخ 1600 روپے فی کلو ہیں، تاہم بازار میں یہ 2600 روپے فی کلو فروخت ہو رہا ہے۔
بیف کے سرکاری نرخ 1200 روپے فی کلو مقرر ہیں جبکہ بازار میں بیف کی قیمت 1400 روپے فی کلو تک پہنچ گئی ہے۔
ماہرین کے مطابق خوراک کی بڑھتی ہوئی قیمتوں کا اثر عوام پر براہِ راست پڑ رہا ہے، جس سے مہنگائی میں اضافے کی شکایات بڑھ رہی ہیں۔