پاکستان اسٹاک ایکسچینج میں مثبت رجحان کے باعث انڈیکس ایک لاکھ ، 60 ہزار پوائنٹس کی حد پر بحال ہو گیا ، تبادلہ مارکیٹ میں ڈالر کی قیمت بھی معمولی گر گئی۔
کاروباری ہفتے کے چوتھے روز بھی اسٹاک ایکسچینج میں زبردست تیزی دیکھنے میں آئی۔
کاروبار کے آغاز پر 1963 پوائنٹس کے اضافے کے ساتھ 100 انڈیکس ایک لاکھ 60 ہزار 147 پوائنٹس کی سطح پر پہنچ گیا۔
واضح رہے گزشتہ کاروباری روز کے اختتام پر ایک لاکھ 58 ہزار 183 پوائنٹس کی سطح پر بند ہوا تھا۔
دوسری جانب روپے کے مقابلے میں امریکی ڈالر میں معمولی کمی ریکارڈ کی گئی۔
ایکسچینج کمپنیز ایسوسی ایشن کے مطابق انٹر بینک میں 2 پیسے کی کمی کے بعد ڈالر کی قیمت 280 روپے 75 پیسے ہو گئی۔