مقامی مارکیٹ میں فی تولہ سونے کی قیمت میں 10 ہزار 7 سو روپے کی بڑی کمی۔ دو دن میں سونے کی قیمت میں ریکارڈ کمی ہوئی ہے۔
سونا دو دن میں 16 ہزار 200 روپے فی تولہ سستا ہو گیا ہے، گزشتہ روز سونے کے نرخ میں 5500 روپے کی کمی ہوئی تھی۔
آج سونا 10ہزار 700 روپے فی تولہ سستا ہونے سے نئی قیمت 4 لاکھ 59 ہزار 462 روپے ہو گئی ہے۔
دس گرام سونے کے نرخ میں 9 ہزار 174 روپے کی کمی ہوئی ہے جس کے بعد نئی قیمت 3 لاکھ 93 ہزار 914 روپے کی سطح پر آ گئی ہے۔
عالمی مارکیٹ میں سونے کے نرخ میں 107 ڈالر کمی ہوئی ہے، جس کے بعد فی اونس سونے کے نرخ 4371 ڈالر کی سطح پر آ گئے ہیں۔
چاندی کی فی تولہ قیمت میں 145 روپے کی کمی ہونے سے نئی قیمت 7930 روپے ہو گئی ہے۔