ملکی تاریخ میں پہلی اسٹاک ایکس چینج میں زبردست تیزی، پوائنٹس بلند ترین سطح پر پہنچ گئے

ملکی تاریخ میں پہلی بار پاکستان اسٹاک ایکس چینج کا 100 انڈیکس 1 لاکھ 81 ہزار پوائنٹس کی بلند ترین سطح پر پہنچ گیا۔

پاکستان اسٹاک ایکسچینج میں کاروباری ہفتے کے پہلے روز مارکیٹ کھلتے ہی ہنڈررڈ انڈیکس میں زبردست تیزی دیکھی گئی، اسٹاک مارکیٹ پہلی بار 180000 کے بعد 181000 پوائنٹس کا سنگ میل بھی عبور کرگئی۔

کاروبار کے آغاز پر ہنڈررڈ انڈیکس میں 2386 پوائنٹس کا اضافہ دیکھا گیا، ہنڈررڈ انڈیکس 1لاکھ 81 ہزار 421 پوائنٹس پر ٹریڈ کررہا ہے۔

دوسری جانب گزشتہ ہفتے کے اختتام پر انٹر بینک میں ڈالر ایک پیسے سستا ہوا تھا، دو روز قبل انٹر بینک میں ڈالر کا ریٹ 280 روپے 11 پیسے تھا، اوپن مارکیٹ میں ڈالرکی قیمت281روپے15پیسے رہی تھی۔

ہفتے کے اختتام پر گولڈ مارکیٹس میں سونا اور چاندی دام میں کمی ہوئی تھی، 4700 روپے کی کمی سے 24 کیرٹ فی تولہ سونا 455562 روپے پرآگیا تھا، دس گرام سونے کے بھاؤ 4030 روپے کم ہوکر 390570 روپے ہوگئے تھے۔