عالمی منڈی میں خام تیل کی قیمتوں میں کمی کے بعد پاکستان میں پٹرولیم مصنوعات کی قیمتوں میں بھی کمی کا امکان ہے۔ ذرائع کے مطابق 16 جنوری سے پٹرولیم مصنوعات کی قیمتوں میں نمایاں کمی کی توقع ہے۔
ذرائع کے مطابق پٹرول کی قیمت میں فی لیٹر 4 روپے 59 پیسے کمی کا امکان ہے۔ہائی اسپیڈ ڈیزل کی قیمت میں فی لیٹر 2 روپے 70 پیسے کمی ہو سکتی ہے۔مٹی کے تیل کی قیمت میں فی لیٹر 1 روپے 82 پیسے کمی کا امکان ہے۔ لائٹ ڈیزل آئل کی قیمت میں فی لیٹر 2 روپے 8 پیسے کمی متوقع ہے۔
اوگرا نے پٹرولیم مصنوعات کی قیمتوں میں ردوبدل کے لیے ورکنگ مکمل کر لی ہے اور 14 جنوری کو یہ ورکنگ پٹرولیم ڈویژن کو ارسال کی جائے گی۔ وزارت خزانہ کے ساتھ مشاورت کے بعد پٹرولیم ڈویژن قیمتوں میں ردوبدل کا نوٹیفکیشن جاری کرے گا۔