سوزوکی کی نئی گاڑی آسان اقساط پر حاصل کرنےکا شاندار موقع

ایم سی بی بینک نے نئی سوزوکی گاڑیوں کے لیے Car4U اور Fleet4U پلیٹ فارمز کے تحت آٹو فنانسنگ پروگرام متعارف کروا دیا ہے۔ اس سکیم کے ذریعے صارفین کو سوزوکی کی مسافر اور کمرشل گاڑیوں کے لیے مالی معاونت فراہم کی جائے گی، جس کے تحت منظم قرض کی شرائط اور ضوابط لاگو ہوں گے۔

فنانسنگ کی شرائط اور اخراجات:

اس پروگرام کے تحت مارک اپ ریٹ ایک سالہ KIBOR کے ساتھ 3 فیصد ہے۔

انشورنس کی قیمت 1.50 فیصد مقرر کی گئی ہے۔

MCB Car4U فنانسنگ کے تحت اہل صارفین کو ذاتی گاڑی کے لیے تین سال تک کی لچکدار قسطوں کی سہولت فراہم کی جائے گی۔

بڑے بیڑے (Fleet) کی خریداری کے لیے MCB Fleet4U فنانسنگ دستیاب ہے، جس کی حد 30 ملین روپے تک ہے۔

Car4U کے تحت انفرادی گاڑی کی خریداری کے لیے فنانس کی حد 3 ملین روپے تک ہے۔

ترجیحی ڈیلیوری اور مدت:

اس فنانسنگ آپشن میں پروگرام کے تحت سوزوکی گاڑیاں خریدنے والے صارفین کے لیے ترجیحی ڈیلیوری کی سہولت بھی شامل ہے۔

ایم سی بی بینک کے مطابق یہ پیشکش 31 مارچ 2026 تک دستیاب ہوگی اور اس کے اطلاق کے لیے بینک کی معیاری شرائط و ضوابط لاگو ہوں گے۔