بجلی کی قیمتوں سے متعلق نیپرا کا اہم نوٹیفیکیشن

عوام کے لیے برُی خبر ہے کہ بجلی 28 پیسے فی یونٹ مہنگی کر دی گئی ہے جس کا نیپرا نے نوٹیفکیشن جاری کر دیا ہے۔

نوٹیفکیشن کے مطابق دسمبر کی فیول پرائس ایڈجسٹمنٹ کے تحت بجلی مہنگی کی گئی ہے اور بجلی کی قیمتوں میں اضافہ فروری کے بلوں میں وصول کیا جائے گا۔

اضافے کا اطلاق کےالیکٹرک سمیت ملک بھر کے صارفین پر ہو گا لیکن لائف لائن صارفین اور الیکٹرک وہیکل چارجنگ اسٹیشنز پر اضافے کا اطلاق نہیں ہو گا۔

سینٹرل پاور پرچیزنگ ایجنسی (سی پی پی اے) نے نیپرا میں ماہانہ فیول پرائس ایڈجسٹممنٹ کی مد میں 48 پیسے فی یونٹ بجلی مہنگی کرنے کی درخواست دی تھی۔

سی سی پی اے نے اپنی درخواست میں کہا ہے کہ دسمبرمیں 8 ارب 48 کروڑ 70 لاکھ یونٹس بجلی پیدا کی گئی جب کہ ڈسکوز کو 8 ارب 20 کروڑ 80 لاکھ یونٹس بجلی فراہم کی گئی۔ ماہ دسمبر میں بجلی کی فی یونٹ لاگت 9.62 روپے رہی۔

سی سی پی اے کا مزید بتایا کہ ایک ماہ میں ہائیڈل سے 18.07 فیصد بجلی کی پیداوار رہی۔ دسمبر میں مقامی کوئلے سے بجلی کی پیداوار 13.99 اور درآمدی کوئلے سے 10.13 فیصد رہی۔ قدرتی گیس سے 11.20 جب کہ درآمدی گیس سے 17.24 فیصد پیداوار رہی۔ اس کے علاوہ نیوکلیئر سے بجلی کی پیداوار 25.05 فیصد رہی۔