وزیر اعلیٰ پنجاب مریم نواز نے رمضان المبارک سے قبل عوام کو معیاری اور سستی اشیائے خوردونوش فراہم کرنے کا اعلان کر دیا۔
پنجاب حکومت کی جانب سے رمضان بچت فیسٹیول انعقاد کرنے کا اعلان کر دیا۔ جو 13 فروری سے 15 فروری تک لاہور کے جیلانی پارک میں ہو گا۔
فیسٹیول میں فوڈ سیفٹی اور کنزیومر پروٹیکشن کے تمام متعلقہ ڈیپارٹمنٹس حصہ لیں گے۔ تاکہ اشیا کی معیار اور قیمت دونوں پر مکمل نگرانی کی جا سکے۔
سیکرٹری فوڈ سیفٹی سلمیٰ بٹ نے کہا کہ رمضان کے آغاز سے قبل عوام کو سستی اور معیاری اشیا کی دستیابی سے ہر خاص و عام کو ریلیف ملے گا۔
فیسٹیول میں ہر قسم کی اشیا ضروریہ 20 فیصد یا اس سے زائد ڈسکاؤنٹ پر دستیاب ہوں گی۔
ڈی جی پنجاب فوڈ اتھارٹی عاصم جاوید نے کہا کہ اشیائے خوردونوش کی کوالٹی برقرار رکھنے کے لیے فوڈ اتھارٹی کی ٹیمیں مسلسل نگرانی کریں گی۔
اور تمام اسٹالز پر اشیا کی فراہمی اور قیمتوں کا جائزہ لیا جائے گا۔ تاکہ صارفین کو بہترین معیار اور مناسب قیمت فراہم کی جا سکے۔