واٹس ایپ میں صارفین کیلئے ایک نئے دلچسپ فیچر کا اضافہ

واٹس ایپ کی جانب سے اسٹیٹس ایپ ڈیٹ فیچر کو مزید بہتر بنایا جا رہا ہے۔

WABetaInfo کی رپورٹ کے مطابق واٹس ایپ کی جانب سے ٹاپ ایپ بار میں اسٹیٹس اپ ڈیٹ کو لانے کے لیے کام کیا جا رہا ہے۔

ایپ کی ٹاپ بار وہ جگہ ہے جہاں پروفائل آئیکون نظر آتا ہے اور وہاں سے ہی آپ اسٹیٹس تک رسائی حاصل کرسکیں گے۔

اس فیچر کے ذریعے جن افراد سے آپ سب سے زیادہ چیٹ کرتے ہیں، ان کے اسٹیٹس  چیٹ ٹیب میں سب سے اوپر نظر آئیں گے۔

تو آپ کو چیٹ ٹیب سے نکلے بغیر اسٹیٹس دیکھنے کا موقع ملے گا۔

رپورٹ میں بتایا گیا کہ کمپنی کی جانب سے اسٹیٹس اپ ڈیٹس تک فوری رسائی فراہم کرنے کے لیے مختلف طریقوں کو جانچا جا رہا ہے۔

ایپ ٹاپ بار کے ساتھ ساتھ چیٹ بار میں نیچے اسکرول کرنے پر بھی کانٹیکٹس اسٹیٹس اپ ڈیٹس ایک قطار میں نظر آئیں گے۔

بالکل اولڈ اسٹیٹس ٹیب کی طرح، البتہ جن کانٹیکٹس کو آپ نے ہائیڈ کیا ہوا ہوگا، ان کے اسٹیٹس نظر نہیں آئیں گے۔

یہ فیچر ابھی آزمائشی مراحل سے گزر رہا ہے اور بیٹا (beta) صارفین کو بھی دستیاب نہیں، تو کہنا مشکل ہے کہ اسے کب تک تمام صارفین کے لیے متعارف کرایا جائے گا۔