سونا ہے یا آگ؟ قیمتوں میں ریکارڈ توڑ اضافہ، عوام پریشان

عالمی اور مقامی مارکیٹوں میں سونے اور چاندی کی قیمتوں میں نمایاں اضافہ ریکارڈ کیا گیا ہے، جس کے بعد سونا عام خریدار کی پہنچ سے مزید دور ہو گیا۔

بین الاقوامی بلین مارکیٹ میں فی اونس سونے کی قیمت 79 ڈالر کے اضافے کے بعد 5 ہزار 012 ڈالر کی سطح پر پہنچ گئی۔

عالمی منڈی میں اضافے کے اثرات مقامی مارکیٹ پر بھی مرتب ہوئے اور ملک میں فی تولہ سونے کی قیمت 7 ہزار 900 روپے اضافے کے بعد 5 لاکھ 23 ہزار 962 روپے ہو گئی۔

اسی طرح فی 10 گرام سونے کی قیمت 6 ہزار 773 روپے بڑھ کر 4 لاکھ 49 ہزار 212 روپے کی سطح پر پہنچ گئی۔

چاندی کی قیمت میں بھی اضافہ دیکھا گیا، فی تولہ چاندی 358 روپے اضافے کے بعد 8 ہزار 404 روپے ہو گئی، جبکہ فی 10 گرام چاندی 7 ہزار 205 روپے تک جا پہنچی۔

ماہرین کے مطابق عالمی معاشی غیر یقینی صورتحال اور سرمایہ کاروں کے سونے کی جانب رجحان کے باعث قیمتوں میں اتار چڑھاؤ جاری ہے۔