او جی ڈی سی کی بڑی کامیابی، سندھ میں تیل و گیس کا نیا ذخیرہ دریافت

(او جی ڈی سی) نے سندھ کے ضلع ٹنڈو الہٰ یار میں تیل اور گیس کا ایک اور کامیاب کنواں ’’درس ویسٹ-3‘‘ دریافت کر لیا ہے۔

ترجمان او جی ڈی سی کے مطابق ابتدائی پیداواری ٹیسٹ کے دوران کنویں سے یومیہ 9.70 ملین معکب فٹ گیس اور 580 بیرل یومیہ کنڈینسیٹ حاصل ہوئی ہے، جو توانائی کے شعبے میں اہم پیش رفت قرار دی جا رہی ہے۔

کمپنی کے مطابق تیل و گیس کی یہ پیداوار لوئر گورو فارمیشن کے ’’سی سینڈ‘‘ سے حاصل ہوئی ہے۔ بعد ازاں اس گیس کو پلانٹ میں پروسیس کر کے سوئی سدرن گیس کمپنی (ایس ایس جی سی ایل) کے نیٹ ورک میں شامل کیا جائے گا۔

ماہرین کے مطابق اس دریافت سے ملکی توانائی کی ضروریات پوری کرنے اور درآمدی ایندھن پر انحصار کم کرنے میں مدد مل سکتی ہے۔