رمضان المبارک کےد وسرے روز مرغی مزید مہنگی ہوگئی۔ مرغی کا گوشت سرکاری قیمت کے مقابلے میں 35 روپےمہنگافروخت ہورہاہے جبکہ زندہ مرغی 14 روپے کلو اضافے کے ساتھ بیچی جارہی ہے۔
مرغی کاگوشت سرکاری قیمت 525 کے بجائے 560 روپے کلومیں فروخت کیا جا رہا ہے۔
مرغی کے گوشت کی سرکاری قیمت 525 روپے اور زندہ مرغی کی سرکاری قیمت 346 روپے فی کلو مقرر ہے لیکن مرغی کا گوشت 560روپے کلو تک فروخت کیا جا رہا ہے جبکہ زندہ مرغی 360روپے کلو تک دستیاب ہے۔
پولٹری رہنماملک ظریف کاکہناہے کہ سرکاری قیمت پر عمل نہیں کرسکتے ،سرکاری قیمت میں ہمارے منافع کی شرح بہت کم ہوتی ہے ،ہم 18سے20فیصد منافع رکھ کرمرغی فروخت کرتے ہیں ۔