پاکستان میں سونے کی قیمتوں میں بڑا اضافہ، فی تولہ قیمت کیا ہوگئی؟

پاکستان میں سونے کی قیمتوں میں مسلسل اضافے کا رجحان برقرار ہے، جس کے باعث خریداروں میں تشویش پائی جا رہی ہے۔

آل پاکستان صرافہ جیمز اینڈ جیولرز ایسوسی ایشن کے مطابق فی تولہ سونے کی قیمت میں 3 ہزار 400 روپے کا اضافہ ہوا ہے، جس کے بعد نئی قیمت 5 لاکھ 39 ہزار 962 روپے ہو گئی ہے۔

اسی طرح ملک میں 10 گرام سونے کی قیمت 2 ہزار 915 روپے اضافے کے بعد 4 لاکھ 62 ہزار 930 روپے تک پہنچ گئی ہے۔

دوسری جانب عالمی مارکیٹ میں بھی سونے کی قیمت میں اضافہ ریکارڈ کیا گیا ہے، جہاں فی اونس سونا 34 ڈالر مہنگا ہو کر 5 ہزار 172 ڈالر تک پہنچ گیا۔

معاشی ماہرین کے مطابق عالمی مارکیٹ میں اتار چڑھاؤ اور ڈالر کی قیمت میں تبدیلیاں مقامی صرافہ بازار پر براہِ راست اثر انداز ہو رہی ہیں، جس کے باعث قیمتوں میں مسلسل اضافہ دیکھا جا رہا ہے۔