ایکس میں صارفین کیلئے کمائی کے نئے فیچرز متعارف

ایلون مسک کے زیرملکیت سوشل میڈیا پلیٹ فارم ایکس نے صارفین اور کانٹینٹ کریئیٹرز کیلئے کمائی کے نئے مواقع فراہم کرنے کے لیے کئی فیچرز متعارف کرانے کا اعلان کیا ہے۔

کمپنی کے مطابق یہ نئے فیچرز کریٹیر سبسکرپشنز کو مزید مؤثر بنانے اور صارفین کو اپنی پوسٹس سے آمدنی حاصل کرنے میں مدد دیں گے۔

نئے فیچرز کیا ہیں؟

ایکس کی جانب سے متعارف کرائے جانے والے نمایاں فیچرز میں شامل ہیں:

کمپنی کا کہنا ہے کہ ان فیچرز کے ذریعے کریٹیرز زیادہ صارفین تک پہنچ سکیں گے اور اپنی پوسٹس سے اضافی آمدنی حاصل کر سکیں گے۔

ایکسکلوسیو تھریڈز کیا ہیں؟

نئے فیچرز میں سب سے اہم Exclusive Threads ہیں۔

یہ دراصل ایک سبسکرپشن پے وال کی طرح کام کریں گے جہاں کریٹیرز خصوصی مواد صرف سبسکرائبرز کے لیے شیئر کر سکیں گے۔

عام صارفین کو صرف ٹیزر پوسٹس دکھائی دیں گی جبکہ مکمل مواد صرف سبسکرپشن لینے والے افراد کے لیے دستیاب ہوگا۔

پیڈ پارٹنرشپ لیبل بھی متعارف

اس سے قبل ایکس کی جانب سے Paid Partnership Label نامی فیچر بھی متعارف کرایا گیا تھا جس کے ذریعے اسپانسرڈ پوسٹس کو واضح طور پر ظاہر کیا جاتا ہے۔

ریونیو شیئرنگ پروگرام

واضح رہے کہ ایکس نے کریٹیر ریونیو شیئرنگ پروگرام 2023 میں عالمی سطح پر متعارف کرایا تھا جس کے تحت مقبول پوسٹس سے کریٹیرز کو آمدنی حاصل ہو سکتی ہے۔

کمپنی کے مطابق نئے فیچرز کا مقصد کانٹینٹ کریئیٹرز کو زیادہ مالی مواقع فراہم کرنا اور پلیٹ فارم پر معیاری مواد کو فروغ دینا ہے۔