واٹس ایپ میں جلد متعارف ہوگا نیا سبسکرپشن پلان “واٹس ایپ پلس

مقبول میسجنگ ایپ واٹس ایپ جلد ایک نیا آپشنل سبسکرپشن پلان متعارف کرانے والی ہے جسے “واٹس ایپ پلس” کہا جائے گا۔

رپورٹس کے مطابق اس پلان کے تحت صارفین کو متعدد اضافی فیچرز اور ایپ کسٹمائزیشن کے اختیارات فراہم کیے جائیں گے، جبکہ مفت استعمال کرنے والے صارفین ان خصوصی فیچرز تک رسائی حاصل نہیں کر سکیں گے۔

واٹس ایپ پلس کے ممکنہ فیچرز

رپورٹ کے مطابق واٹس ایپ پلس میں شامل کیے جانے والے نمایاں فیچرز یہ ہوں گے:

• متعدد چیٹ مینجمنٹ ٹولز

• ایپ کسٹمائزیشن آپشنز

• چیٹس پن کرنے کی حد میں اضافہ

• 14 مختلف ایپ آئیکنز

• 19 رنگوں کے تھیم آپشنز

چیٹ پننگ میں بڑی تبدیلی

اس وقت واٹس ایپ میں صارفین صرف 3 چیٹس پن کر سکتے ہیں، تاہم واٹس ایپ پلس میں یہ حد بڑھ کر 20 چیٹس تک ہو جائے گی۔

اینڈرائیڈ اور آئی فون دونوں پر دستیاب

یہ نئے فیچرز اینڈرائیڈ اور آئی او ایس دونوں پلیٹ فارمز پر دستیاب ہوں گے اور مستقبل میں ان میں مزید اضافہ بھی کیا جا سکتا ہے۔

بنیادی فیچرز بدستور مفت

واٹس ایپ کی جانب سے واضح کیا گیا ہے کہ ایپ کے بنیادی فیچرز بدستور مفت رہیں گے، جن میں شامل ہیں:

فیس اور لانچ کی تاریخ

ابھی تک واٹس ایپ کی جانب سے واٹس ایپ پلس کی قیمت یا لانچ کی تاریخ کے بارے میں کوئی باضابطہ اعلان نہیں کیا گیا۔