جنگ کے دوران کئی امریکی فوجیوں کو قیدی بنا یا گیا، امریکا ہمیں نہیں جانتا، اس کو غلط فہمی تھی، علی لاریجانی

ایران کی قومی سلامتی کونسل کے سیکریٹری جنرل علی لاریجانی نے کہا ہے کہ جنگ کے دوران کئی امریکی فوجیوں کو قیدی بنا یا گیا ہے، چند امریکی فوجی زندہ گرفتار ہوئے ہیں، لیکن امریکا یہ مؤقف پیش کر رہا ہے کہ وہ لڑائی میں مارے گئے۔ امریکا ہمیں نہیں جانتا اس کو غلط فہمی تھی۔

انہوں نے کہا کہ دشمن کا ارادہ ایران کو تقسیم کرنا تھا، امریکا ہمیں نہیں جانتا ،اس کو غلط فہمی تھی، امریکا سمجھتا ہے ہمارے ساتھ وینزویلا کے منظر نامے کو دہرا سکتا ہے۔  امریکا نے ایران میں وینزویلا جیسا منصوبہ آزمانا چاہا مگر ناکام رہا۔

علی لاریجانی نے واضح کیا کہ دشمن کا مسئلہ خود ایران ہے، اس کو تقسیم کرنا ہدف تھا۔ ٹرمپ سپریم لیڈر کی شہادت سے ایران میں افراتفری پھیلانا چاہتا تھا۔ ٹرمپ ایران میں افراتفری پھیلانے میں ناکام رہا۔ امریکی کرد اور علیحدگی پسندوں کے ساتھ رابطے کررہے تھے۔

ایرانی عوام متحد ہیں اور ہر جارحیت کا جواب دیں گے، ایرانی مسلح افواج نے سنجیدگی سے علیحدگی پسند گروپوں کو متنبہ کیا، علیحدگی پسند گروپوں کو کہا کوئی غلطی کی تو ہم کارروائی کریں گے۔ 

ایرانی سپریم لیڈر کے انتخاب میں ٹرمپ دلچسپی لے رہا ہے ، ٹرمپ کی انتخاب میں دلچسپی ان کی ذہنی پسماندگی کو ظاہر کرتا ہے۔