برائلر گوشت کی قیمتوں میں مزید اضافہ

شہر میں اوپن مارکیٹ اور رمضان بازاروں میں مہنگائی کا سلسلہ جاری ہے۔ برائلر چکن گوشت کی قیمت میں 7 روپے فی کلوگرام کا اضافہ ریکارڈ کیا گیا ہے جس کے بعد قیمت 504 روپے فی کلوگرام ہوگئی ہے۔

چکن کا فارم ریٹ زندہ برائلر، 320 روپے فی کلوگرام،تھوک قیمت 334 روپے فی کلوگرام جبکہ پرچون ریٹ 348 روپے فی کلوگرام مقرر کیاگیا ہے۔

ماہرین کا کہنا ہے کہ رمضان کے مہینے میں طلب میں اضافہ اور سپلائی میں کمی کے باعث قیمتوں میں مسلسل اضافہ ہو رہا ہے۔

جس سے عام شہریوں پر مالی بوجھ بڑھ رہا ہے، مارکیٹ کمیٹی نے بھی خبردار کیا ہے کہ صارفین کو زیادہ قیمتیں دینے سے گریز کرنا چاہیے اور صرف مستند دکانوں سے خریداری کرنی چاہیے۔

یہ بھی پڑھیں:پاکستان نے آبنائے ہرمز کی بندش کے بعد بحر احمر کے راستے تیل لینا شروع کر دیا واضح رہے کہ مہنگائی کی شرح میں اضافہ کا سب سے زیادہ اثر تنخواہ دار طبقے پر پڑتا ہے۔

متوسط طبقہ اپنے گھریلو بجٹ کو برقرار رکھنے کے لیے ضروریات میں کمی کر رہا ہے۔ ماہرین کے مطابق اگر یہی رجحان برقرار رہا تو آنے والے مہینوں میں خریداری کی قوت مزید کم ہو سکتی ہے۔