پیٹرولیم مصنوعات کی بڑھتی ہوئی قیمتوں کے باعث پریشان شہریوں کے لیے موٹرسائیکل سواروں کو عید تک مفت پیٹرول فراہم کرنے کا اعلان کر دیا گیا ہے۔
کامران ٹیسوری نے اعلان کیا کہ موٹرسائیکل سواروں کو 3 لیٹر پیٹرول مفت دیا جائے گا۔
گورنر سندھ کے مطابق وہ اچانک شہر کے کسی بھی پیٹرول پمپ پر جائیں گے اور اس وقت پمپ پر موجود موٹرسائیکل سواروں کو مفت پیٹرول بھروا کر دیا جائے گا۔
انہوں نے کہا کہ جو لوگ مہنگائی کے اس دور میں ایک ہزار روپے کا پیٹرول بھی نہیں ڈلوا سکتے، ان کے لیے یہ اقدام عید کا تحفہ ہوگا۔
کامران ٹیسوری نے کہا کہ موجودہ حالات میں خطہ کشیدہ صورتحال سے گزر رہا ہے اور اگر جنگ طویل ہو گئی تو پیٹرول اور اشیائے خورد و نوش کی قیمتیں مزید بڑھ سکتی ہیں۔
انہوں نے شہریوں سے امن کے لیے دعا کرنے کی اپیل بھی کی۔
گورنر سندھ نے یہ بھی اعلان کیا کہ گورنر ہاؤس میں رمضان کے آخری عشرے کی افطار پارٹیاں منسوخ کر دی گئی ہیں۔
تاہم شہریوں کے لیے امیدِ رمضان دسترخوان بدستور جاری رہے گا۔
انہوں نے کہا کہ وزیراعظم کے کفایت شعاری منصوبے پر عمل کرتے ہوئے اپنی ذاتی افطار مصروفیات بھی منسوخ کر دی ہیں۔