پاکستان میں سونے کی قیمتوں میں کمی

کراچی: ملک بھر کی صرافہ مارکیٹوں میں سونے کی قیمتوں میں کمی ریکارڈ کی گئی ہے۔ آل پاکستان صرافہ جیمز اینڈ جیولرز ایسوسی ایشن کے مطابق فی تولہ سونے کی قیمت میں 2 ہزار 900 روپے کی کمی ہوئی ہے جس کے بعد نئی قیمت 5 لاکھ 40 ہزار 362 روپے ہوگئی ہے۔

اسی طرح 10 گرام سونے کی قیمت میں بھی 2 ہزار 486 روپے کی کمی دیکھی گئی ہے اور یہ کم ہو کر 4 لاکھ 63 ہزار 273 روپے پر آگئی ہے۔

دوسری جانب عالمی مارکیٹ میں بھی سونے کی قیمت میں کمی دیکھی گئی ہے جہاں سونا 29 ڈالر سستا ہو کر 5176 ڈالر فی اونس پر آ گیا ہے۔

واضح رہے کہ گزشتہ روز سونے کی قیمت میں 3700 روپے کا اضافہ ریکارڈ کیا گیا تھا، تاہم آج مارکیٹ میں قیمتوں میں کمی دیکھی گئی ہے۔