عوام پر چند دن پہلے پٹرول بم گرا اب گھی اور تیل کی قیمتوں میں بھی ہوشربا اضافے کی تیاری کی جا رہی ہے۔
پاکستان میں پٹرولیم مصنوعات کی قیمتوں میں اضافے کا مطلب ہر شے کی قیمت آسمان پر پہنچ جانا ہے۔ حالیہ پٹرولیم مصنوعات کی قیمتوں میں ہوشربا اضافے کے بعد حکومتی دعووں کے باوجود کرائے سمیت کئی اشیا کی قیمتیں بڑھ چکی ہیں۔
اب پاکستان بناسپتی مینوفیکچررز ایسوسی ایشن کے ایڈوائزر نے بھی گھی اور خوردنی تیل کی قیمتوں میں ریکارڈ اضافے کا خدشہ ظاہر کر دیا ہے۔
ایڈوائزر کائنات رضا کا کہنا ہے کہ کا کہنا ہے کہ پٹرولیم مصنوعات مہنگی ہونے سے گھی ملوں کی پروڈکشن لاگت میں بے پناہ اضافہ ہوا جب کہ ڈیزل کی قیمت بڑھنے سے ٹرانسپورٹیشن کے اخراجات نا قابلِ برداشت ہو چکے ہیں۔
ان کا کہنا ہے کہ گھی اور تیل کی قیمتوں میں 100 سے 150 روپے تک اضافہ ہو سکتا ہے۔