ایکس (سابقہ ٹوئٹر) نے صارفین کے تجربے کو بہتر بنانے کے لیے دو نئے فیچرز متعارف کرائے ہیں: ایک خودکار ترجمہ کی سہولت اور دوسرا جدید تصویری ایڈیٹر۔
کمپنی کے پراڈکٹ ہیڈ نکیتا بیر کے مطابق یہ فیچرز X AI کے گروک ماڈلز پر مبنی ہیں اور دنیا بھر میں دستیاب ہوں گے۔
خودکار ترجمہ استعمال کرنے کے لیے پوسٹ میں موجود گیئر آئیکون پر کلک کر کے مطلوبہ زبان کے لیے اسے فعال کیا جا سکتا ہے۔
اس طرح صارفین اب عالمی سطح پر پوسٹس تک آسان رسائی حاصل کر سکیں گے۔
اسی کے ساتھ ایکس کی iOS ایپ کے لیے نیا امیج ایڈیٹر بھی متعارف کرایا جا رہا ہے۔
اس فیچر کے ذریعے صارفین تصاویر میں ڈرائنگ کر سکیں گے، ٹیکسٹ ٹولز استعمال کر سکیں گے اور تصویر کی مخصوص تفصیلات کو دھندلا (Blur) بھی کر سکیں گے۔
صارفین کے ایڈیٹنگ کے طریقے کے مطابق Grok AI ماڈل تصاویر میں تبدیلیاں تجویز کرے گا۔
کمپنی نے اعلان کیا ہے کہ یہ تصویری ایڈیٹر جلد ہی اینڈرائیڈ صارفین کے لیے بھی دستیاب ہوگا۔