ڈالر کے مقابلے میں روپے کی قدر میں اضافہ

کاروباری ہفتے کے آخری روز انٹربینک اور اوپن مارکیٹ میں امریکی ڈالر مزید سستا ہو گیا۔

سٹیٹ بینک آف پاکستان کے مطابق انٹر بینک میں امریکی ڈالر کی قدر میں 1 پیسے کی کمی ہوئی  ، انٹر بینک میں ڈالر   279.02 روپے سے کم ہوکر 279.01 روپے پر بند ہوا۔

 دوسری جانب اوپن مارکیٹ میں امریکی ڈالر 12 پیسے کمی سے 280.18  روپے ،یو اے ای درہم 1 پیسے کم ہوکر 77.03 روپے کاہوگیا            ۔

 اوپن مارکیٹ میں یورو 81 پیسے مہنگاہوکر 329.78 روپے ، برطانوی پاؤنڈ 90 پیسے مہنگا ہوکر 378.83 روپے ، سعودی ریال 2 پیسے مہنگاہوکر  75.30 روپے کا ہوگیا۔

 ادھرپاکستان سٹاک ایکسچینج میں کاروبار کا مثبت اختتام  ہوا۔ہنڈریڈ انڈیکس 1673 پوائنٹس اضافے سے 167191 کی سطح پر بند ہوا۔کاروبار کے دوران انڈیکس 168290 کی بلند سطح تک گیا۔

 یادرہے کہ گزشتہ روز ہنڈریڈ انڈیکس 165517 کی سطح پر بند ہوا تھا۔a