شہریوں کیلئے اچھی خبر، ایل پی جی کی قیمت میں کمی

اسلام آباد میں ایل پی جی کی قیمتوں میں معمولی کمی کر دی گئی ہے جس کے بعد گھریلو صارفین کو ریلیف مل گیا ہے۔

اوگرا کی جانب سے جاری کردہ نوٹیفکیشن کے مطابق گھریلو سلنڈر کی قیمت میں 3 روپے 69 پیسے کی کمی کی گئی ہے، جبکہ فی کلو ایل پی جی کی قیمت میں 31 پیسے کمی ریکارڈ کی گئی ہے۔

نئی قیمتوں کے مطابق مئی کے لئے گھریلو سلنڈر کی قیمت 3584 روپے 90 پیسے مقرر کی گئی ہے، جو اپریل میں 3588 روپے 59 پیسے تھی، اسی طرح ایل پی جی کی فی کلو قیمت اب 303 روپے 81 پیسے ہو گئی ہے۔

حکام کے مطابق قیمتوں میں یہ رد و بدل عالمی مارکیٹ میں تیل اور گیس کی قیمتوں کے اتار چڑھاؤ کے مطابق کیا گیا ہے۔

اوگرا کے مطابق ہرماہ باقاعدہ جائزے کے بعد قیمتوں میں رد و بدل کیا جاتا ہے تاکہ صارفین کو شفاف اور متوازن نرخ فراہم کیے جا سکیں۔