قتل کیس کے سزایافتہ قیدی کی بانی پی ٹی آئی جیسی سہولیات کی درخواست،اسلام آباد ہائیکورٹ نے جیل سپرنٹنڈنٹ سمیت دیگر فریقین کو نوٹس جاری کردیئے

اسلام آباد(ڈیلی پاکستان آن لائن)قتل کیس کے سزایافتہ قیدی کی بانی پی ٹی آئی جیسی سہولیات کی درخواست پر اسلام آباد ہائیکورٹ نے جیل سپرنٹنڈنٹ سمیت دیگر فریقین کو نوٹس جاری کردیئے،عدالت نے کیس لارجر بنچ میں مقرر کرنے کیلئے فائل چیف جسٹس کو بھجوا دی۔

نجی ٹی وی چینل جیو نیوز کے مطابق اسلام آباد ہائیکورٹ نے کہا کہ سپرنٹنڈنٹ اڈیالہ جیل درخواست پر پیراوائز کمنٹس جمع کرائیں ،عدالت کو بتایا گیا بانی سے ملاقاتوں کے کیسز کی سماعت لارجر بنچ کررہا ہے،یہ کیس بھی لارجر بنچ میں بھی بھجوا رہے ہیں،اگر چیف جسٹس مناسب سمجھیں تو لارجر بنچ میں مقرر کر دیں،جسٹس محمد اعظم خان نے دو صفحات کا تحریری حکم نامہ جاری کردیا۔