پاکستان میں سونے کی قیمتیں گر گئیں، ، فی تولہ کتنے کا ہو گیا؟

سونے کی مقامی اور عالمی قیمتوں میں کمی ریکارڈ کی گئی، فی تولہ سونا 1400 روپے سستا ہو گیا۔ مقامی صرافہ بازار کے مطابق فی تولہ سونا 1400 روپے کی کمی کے بعد 4 لاکھ 44 ہزار 900 روپے میں فروخت ہو رہا ہے۔

اسی طرح 10 گرام سونے کی قیمت میں بھی 1200 روپے کی کمی آئی، جس کے بعد نئی قیمت 3 لاکھ 81 ہزار 430 روپے ہو گئی۔

عالمی مارکیٹ میں بھی مندی کا رجحان دیکھا گیا، جہاں فی اونس سونا 17 ڈالر کم ہو کر 4235 ڈالر پر ٹریڈ ہوا۔

تاجروں کے مطابق سونے کی قیمتوں میں یہ کمی ڈالر کی قدر میں اتار چڑھاؤ اور عالمی اقتصادی حالات کے باعث دیکھنے میں آئی ہے۔ ماہرین کا کہنا ہے کہ آئندہ دنوں میں سونے کی قیمتوں میں مزید ردوبدل کا امکان ہے۔