واشنگٹن (ڈیلی پاکستان آن لائن)امریکی صدر ڈونلڈ ٹرمپ نے کہا ہے کہ وہ آئندہ سال کے آغاز میں چین کا دورہ کریں گے۔
خبر ایجنسی اے ایف پی کے مطابق آسٹریلوی وزیرِاعظم انتھونی البانیز کے ساتھ وائٹ ہاؤس میں ملاقات کے دوران صحافیوں سے گفتگو کرتے ہوئے ٹرمپ نے بتایا کہ انہیں چین جانے کی دعوت دی گئی ہے اور یہ دورہ ’’اگلے سال کے اوائل میں متوقع ہے۔‘‘
انہوں نے مزید کہا کہ اس ماہ کے آخر میں وہ جنوبی کوریا میں چینی صدر شی جن پنگ سے ملاقات کے دوران تجارتی معاہدے کو حتمی شکل دینے کی توقع رکھتے ہیں، اگرچہ حالیہ دنوں میں دونوں ملکوں کے درمیان ٹیرف کے معاملے پر کشیدگی بڑھی ہے۔