اسلام آباد (ڈیلی پاکستان آن لائن) اسلامی نظریاتی کونسل کے سابق چیئرمین مولانا محمد خان شیرانی نے 92 برس کی عمر میں دوسری شادی کرلی۔
نجی ٹی وی اے آر وائی نیوز کے مطابق مولانا شیرانی کا نکاح گلگت بلتستان سے تعلق رکھنے والی خاتون کے ساتھ اسلام آباد میں ایک سادہ تقریب میں انجام پایا۔علماء اور معزز شخصیات نے مولانا محمد خان شیرانی کو اس موقع پر مبارکباد پیش کی۔
مولانا شیرانی نے نکاح کی تصدیق کرتے ہوئے بتایا کہ یہ ان کی دوسری شادی ہے، پہلی اہلیہ کا کچھ عرصہ قبل انتقال ہوچکا ہے۔
نوٹ: اے آر وائی نیوز کے مطابق مولانا محمد خان شیرانی کی عمر 92 برس ہے جب کہ وکی پیڈیا پر دستیاب معلومات کے مطابق ان کی عمر تقریباً 77 سال ہے۔