راولپنڈی(ڈیلی پاکستان آن لائن)راولپنڈی ٹیسٹ میں پاکستان کی ٹیم مشکلات کا شکار ہوگئی،یکے بعد دیگرے 3وکٹیں گر گئیں،پاکستان کی جنوبی افریقا کیخلاف دوسری اننگز میں 25رنز پر 3وکٹیں گر گئیں،امام الحق 9،عبداللہ شفیق6اور کپتان شان مسعود صفر پر آؤٹ ہو ئے۔
دوسرے اور آخری ٹیسٹ میچ کی پہلی اننگز میں جنوبی افریقہ کی ٹیم پاکستان کے خلاف 404 رنز بنا کر آؤٹ ہو گئی اور پہلی اننگز میں 71 رنز کی برتری حاصل کر لی۔
راولپنڈی میں کھیلے جارہے ٹیسٹ میچ کی پہلی اننگز کے تیسرے دن جنوبی افریقہ نے شاندار کم بیک کیا، 210 پر 7 وکٹیں گرنے کے باوجود متوسوامی اور کیشو مہاراج نے اچھی پارٹنر شپ قائم کی۔
جنوبی افریقہ نے آخری 3 وکٹوں پر 194 رنز کا اضافہ کیا۔ آخری وکٹ پر متوسامی اور رباڈا نے 98رنز بنائے جبکہ نویں وکٹ پر متوسامی اور کیش مہاراج نے 71 رنز کا اضافہ کیا۔راولپنڈی ٹیسٹ کے تیسرے دن جنوبی افریقہ نے پہلی اننگز کا آغاز 4 وکٹ پر 185 رنز سے کیا۔ تیسرے دن کے آغاز میں ہی آصف آفریدی نے پاکستان کو کامیابی دلوائی۔ مہمان ٹیم کی پانچویں وکٹ 185 رنز پر گری۔
جنوبی افریقہ کی چھٹی وکٹ 204 رنز پر گری، یہ وکٹ بھی آصف آفریدی کے حصے میں آئی، 6 رنز کے اضافے کے بعد مہمان ٹیم کے ساتویں کھلاڑی بھی پویلین لوٹ گئے، یہ وکٹ بھی آصف آفریدی کے حصے میں آئی۔
مہمان ٹیم کے آٹھویں کھلاڑی 235 رنز پر آؤٹ ہوئے، اس بار نعمان علی نے وکٹ حاصل کی۔ جس کے بعد جنوبی افریقہ کے بیٹرز نے ذمے داری کا مظاہرہ کرتے ہوئے اسکور 306 رنز پر پہنچایا تو ان نویں وکٹ گر گئی۔ نمعان علی نے کیشو مہاراج کو آؤٹ کیا۔
ڈیبیو کرنے والے آصف آفریدی نے 6 کھلاڑیوں کو آؤٹ کیا جبکہ دو وکٹیں نعمان علی اور ایک ایک وکٹ شاہین شاہ آفریدی اور ساجد خان نے حاصل کی۔
اس سے قبل جنوبی افریقہ نے پہلی اننگز کا آغاز کیا تو 54 رنز پر ریان ریکلٹن اور ایڈین مارکرم آؤٹ ہوگئے، تیسری وکٹ پر اسٹبس اور زورزی نے 113 رنز کی شراکت قائم کی، زورزی 55 رنز بناکر ٹیسٹ کرکٹ میں آصف آفریدی کا پہلا شکار بنے۔
پاکستان کی پہلی اننگز
پاکستانی ٹیم پہلی اننگز میں 333 رنز بناکر آؤٹ ہوگئی تھی۔
پاکستان کی جانب سے کپتان شان مسعود 87، سعود شکیل 66، عبداللّٰہ 57 رنز بنا نمایاں رہے جبکہ سلمان علی آغا نے 45 رنز کی اننگز کھیلی۔
واضح رہے کہ پہلے سیریز کے پہلے ٹیسٹ میچ میں پاکستان نے دفاعی چیمپئن جنوبی افریقہ کو 93 رنز سے شکست دے کر ورلڈ ٹیسٹ چیمپئن شپ (ڈبلیو ٹی سی) 27-2025 میں فاتحانہ آغاز کیا تھا۔
آصف آفریدی ڈیبیو پر 5 وکٹیں لینے والے معمر ترین کرکٹر بن گئے
پاکستان کے آصف آفریدی نے انگلینڈ کے چارلس میریٹ کا 92 سال پرانا ریکارڈ توڑ دیا۔
آصف آفریدی ڈیبیو پر پانچ وکٹیں لینے والے معمر ترین کرکٹر بن گئے۔ جنوبی افریقہ کے خلاف راولپنڈی ٹیسٹ کے آغاز کے وقت آصف آفریدی کی عمر 38 سال 299 دن تھی۔
واضح رہے کہ انگلینڈ کے چارلس میریٹ نے 1933 میں 37 سال 332 دن کی عمر میں ڈیبیو پر پانچ وکٹیں لی تھی۔
