لاہور ( ڈیلی پاکستان آن لائن )وزیراعلیٰ مریم نواز کے ہنرمند پروگرام کے تحت چند ماہ میں 1لاکھ80 ہزار سے زائد نوجوانوں کی ٹریننگ کا نیا اور منفرد ریکارڈقائم ہوچکا ہے۔وزیراعلیٰ مریم نواز کی زیر صدارت خصوصی اجلاس میں بتایا گیا کہ 75ہزا ر سے زائد ہنر مند نوجوان برسر روزگار ہوئے اور 15ہزار انٹرنیشنل اداروں میں روزگار حاصل کرنے میں کامیاب ہوئے۔ ٹیوٹا اداروں سے ٹریننگ حاصل کرنے والے ساڑھے 27 ہزار سے زائد نوجوان برسرروزگار ہو گئے۔ پنجاب ووکیشنل ٹریننگ کونسل اداروں سے 45ہزار اور پنجاب سکلزڈویلپمنٹ فنڈزسے تربیت یافتہ 1428 نوجوانوں کو روزگار مل گیا۔ وزیراعلیٰ مریم نواز گارمنٹ سٹی سے ٹریننگ حاصل کرنے والی 350طالبات بھی برسرروزگار ہیں۔ پہچان سکل ڈویلپمنٹ پروگرام فار ٹرانس جینڈرزکے تحت 450 ٹرانس جینڈرز کو بھی نوکریاں مل گئیں۔ پنجاب میں ٹیکنیکل ٹریننگ میں گزشتہ 5سال کی نسبت 21فیصد سے زائد قابل قدر اضافہ ہوا ہے۔
وزیراعلیٰ مریم نواز کی زیر صدارت خصوصی اجلاس میں صنعتی ترقی کے لئے انڈسٹری کا نیا سروے کرانے کا فیصلہ بھی کیا گیا۔ اجلاس میں ہنرمندنوجوانوں کے لئے مریم نواز فری پرواز کارڈ کے اجراء پراصولی اتفاق کیا گیا۔اجلاس میں مزید بتایا گیا کہ پنجاب میں پہلی مرتبہ تعمیراتی شعبہ کو جدید خطوط پر استوار کرنے کے لئے24 کنسٹرکشن لیب قائم کی گئی۔ وزیراعلیٰ مریم نواز کو سکل ڈویلپمنٹ اینڈ انٹر پرینیور شپ ڈیپارٹمنٹ کے بارے میں تفصیلی بریفنگ دی گئی۔
بریفنگ میں بتایا گیا کہ کنسٹرکشن لیب پراجیکٹ کے تحت 830 نوجوانوں کی ٹریننگ مکمل ہوچکی جبکہ1178 کی ٹریننگ جاری اور نئے بیج میں 975 نوجوان شامل ہوں گے۔ بہاولپور، ملتان، بھکر،میانوالی اور دیگر شہروں میں 2450 نوجوانوں کو کنسٹرکشن کی جدید ٹریننگ دی جائے گی۔ ہاسپیٹلٹی ٹریننگ پروگرام کے تحت 96 نوجوانوں کی ٹریننگ مکمل ہوچکی جبکہ 96 کی ٹریننگ جاری اور100مزید نوجوانوں کو ٹریننگ دی جائے گی۔ راولپنڈی، ملتان اور فیصل آباد میں اگلے فیز میں ہاسپیٹلٹی ٹریننگ کا آغاز کیا جائے گا۔ وزیراعلیٰ مریم نواز کے گارمنٹ سٹی پراجیکٹ میں 510 نوجوانوں کی ٹریننگ مکمل ہوچکی، 350 برسرِروزگار ہیں جبکہ 980 طلباء کی ٹریننگ جاری اورمزید 960 کو ٹریننگ دی جائے گی۔ پنجاب بھر میں 2158 ٹریننگ لیب کی اپ گریڈیشن کے بعد 28140 طلباء مستفید ہو رہے ہیں۔ انٹرنیشنل آؤٹ ٹریج پروگرام کے تحت 1لاکھ 12 ہزار نوجوانوں کی ٹریننگ مکمل ہوچکی ہے۔
وزیراعلیٰ مریم نواز نے سکل ڈویلپمنٹ اینڈ انٹر پرینیور شپ ڈیپارٹمنٹ کے نئے قواعد و ضوابط کی تشکیل کی منظوری دے دی۔ اجلاس میں سکل ڈویلپمنٹ اینڈ انٹر پرینیور شپ ڈیپارٹمنٹ میں نیا نصاب تعلیم اور ٹریننگ ماڈیول کی تشکیل پر بھی غور کیا گیا۔مزید بتایا گیا کہ سال2025-26 ء کے دوران 201485نوجوان کی ٹریننگ کی جائے گی۔ رواں مالی سال میں 15531نوجوانوں کی لوکل ٹریننگ جبکہ 4230 کی انٹرنیشنل ٹریننگ مکمل ہوچکی ہے۔
وزیراعلیٰ مریم نواز کو سکل ڈویلپمنٹ اینڈ انٹر پرینیور شپ ڈیپارٹمنٹ کے بارے میں تفصیلی بریفنگ دی گئی۔ بریفنگ میں بتایا گیا کہ پہچان سکل ڈویلپمنٹ پروگرام فار ٹرانس جینڈرزکے تحت ششماہی ٹریننگ پروگرام جاری ہے۔ پہچان سکل ڈویلپمنٹ پروگرام کے تحت 11ہزارٹرانس جینڈرز کی ٹریننگ مکمل ہوچکی ہے۔ 470 ہنرمند ٹرانس جینڈرز برسرروزگار جبکہ1300نئے بیج کی ٹریننگ شروع کر دی گئی ہے۔ پہچان سکل پروگرام کے تحت ٹریننگ حاصل کرنے والے ٹرانس جینڈرز کو روزگار کے لئے مشینیں اور ضروری آلات بھی فراہم کیے جاتے ہیں۔
اجلاس میں ایمپاورنگ رورل وویمن تھرو آئی ٹی پروگرام ”میں ڈیجیٹل“ پر بھی بریفنگ دی گئی۔ ”میں ڈیجیٹل“کے تحت 3ہزاردیہی خواتین کی آئی ٹی ٹریننگ کے لئے ایک ارب روپے کے فنڈز مختص کیے گئے ہیں۔ پہلے مرحلے میں بہاولپور، سرگودھا، گوجرانوالہ، لودھراں اور فیصل آباد کی دیہی خواتین کو آئی ٹی ٹریننگ دی جائے گی۔یکم اپریل 2026ء تک 2100سے زائد دیہی خواتین کی آئی ٹی ٹریننگ کا ہدف مقرر کیا گیا ہے۔
