کراچی (ڈیلی پاکستان آن لائن) ایم کیو ایم پاکستان کی رکن قومی اسمبلی ڈاکٹر نکہت شکیل بھی آن لائن فراڈ کا شکار ہوگئیں۔ نوسرباز نے رکن قومی اسمبلی کا واٹس ایپ ہیک کرکے ان کے رشتے داروں اور دوستوں سے پیسے بھی بٹور لیے۔
جیو نیوز کے مطابق ممبر قومی اسمبلی ڈاکٹر نکہت شکیل نے کہا کہ نوسربا زکالر نے اپنا تعارف پی ایم ڈی سی کے نمائندے کے طور پر کروایا اور ادارے کی دستاویزات کا پارسل پہنچانے کے لیے کوڈ مانگا۔کوڈ شیئر کرتے ہی ان کا واٹس ایپ اکاؤنٹ ہیک ہوگیا۔
انہوں نے بتایا کہ جن افراد نے پیسے دینے سے پہلے ان سے تصدیق کی وہ بچ گئے، لیکن کچھ نے پیسے بھیج دیے۔
ممبر قومی اسمبلی ڈاکٹر نکہت شکیل نے کہا کہ نوسرباز کالر کو پی ایم ڈی سی کی دستاویزات سے متعلق علم ہونا سوالیہ نشان ہے۔