عمان میں مسافروں کے لئے وائی فائی 7 کی سہولت فراہم کردی گئی۔
سطلنت عمان کے ایئرپورٹس دنیا بھر میں پہلے ہوائی اڈے آپریٹر بن گئے ہیں جہاں وائی فائی 7 کو متعارف کرایا گیا ہے جو ہوا بازی کی صنعت میں ڈیجیٹل ترقی کی علامت ہے۔
ہواوی کے ساتھ شراکت میں متعارف کرایا گیا اپ گریڈ وائی فائی اب ملک کے ہوائی اڈوں پر مکمل طور پر کام کر رہا ہے جو تیز رفتار، مضبوط سیکیورٹی اور زیادہ قابل اعتماد رابطے کی جانب اہم قدم ہے۔
تیز ترین وائی فائی کی سہولت ڈیپارچر ہالز، چیک ان کاؤنٹرز، ریٹیل اسپیسز اور ڈائننگ ایریاز پر فراہم کی گئی ہے جو مسافروں کے استعمال اور ہوائی اڈے کے اہم آپریشنز میں معاون ہے۔