عالمی مارکیٹ میں سونے اور چاندی کے نرخوں میں کمی کا رجحان جاری ہے۔ عالمی سطح پر سونے اور چاندی کی قیمتیں مزید گر گئی ہیں، سونے کی قیمت میں 12 فیصد کی بڑی کمی ہوئی ہے۔
سونے کی فی اونس قیمت 4850 ڈالر کی سطح پر پہنچ گئی ہے، چاندی کی قیمت میں 30 فیصد کمی ہوئی ہے جس کے بعد چاندی کی فی اونس قیمت 83 ڈالر گئی ہے۔
گزشتہ روز عالمی سطح پر سونے کے فی اونس نرخ میں 355 ڈالر کی کمی ہوئی تھی جس بعد قیمت 5150 روپے ہو گئی تھی، آج بھی سونے کے نرخ میں 300 ڈالر کی کمی ہو چکی ہے۔
عالمی سطح پر قیمتوں میں کمی کے رجحان کو دیکھتے ہوئے آج پاکستان میں بھی سونے کی قیمتوں میں بڑی کمی کا امکان ہے۔
گزشتہ روز پاکستان میں سونے کے فی تولہ نرخ میں 35500 روپے کی بڑی کمی ہوئی تھی جبکہ چاندی کی فی تولہ قیمت میں 1106 روپے کی کمی ہونے سے نرخ 11069 سطح پر آ گئے تھے۔
