اوپن اے آئی نے اپنی اولین ہارڈ ویئر ڈیوائس کی تیاری تیز کر دی ہے، جو ایک اسمارٹ ایئر بڈز "ڈائیم” کے طور پر متعارف کرائی جائے گی۔ یہ ڈیوائس اے آئی پر مبنی ایک آڈیو وئیر ایبل ہوگی، جسے سادہ اور قابل رسائی بنانے کی کوشش کی جا رہی ہے تاکہ صارفین کے لیے اسے خریدنا آسان ہو۔
رپورٹ کے مطابق، اوپن اے آئی نے اس ڈیوائس کی تیاری میں پیچیدہ ہارڈ ویئر کے بجائے سادہ ایئر بڈز پر توجہ دی ہے۔ کمپنی کا مقصد ہے کہ اس ڈیوائس کی قیمت کم رکھی جائے تاکہ یہ تیزی سے مارکیٹ میں دستیاب ہو سکے۔ اس ڈیوائس میں وائس کمانڈز، رئیل ٹائم اسسٹنٹس، اور دیگر اے آئی فیچرز جیسے آپشنز صارفین کو دستیاب ہوں گے۔
اوپن اے آئی کی اس ڈیوائس کی متعارف کرانے کی منصوبہ بندی 2026 کے آخر تک کی جا رہی ہے، جبکہ صارفین کے لیے یہ 2027 کے شروع میں دستیاب ہو سکتی ہے۔ اس ڈیوائس کا نام چین میں سامنے آنے والے پیٹنٹ سے ظاہر ہوا ہے، جس سے یہ عندیہ ملتا ہے کہ کمپنی آڈیو بیسڈ وئیر ایبل ڈیوائس پر کام کر رہی ہے۔
اگرچہ اوپن اے آئی کی جانب سے فون جیسی پیچیدہ اے آئی ڈیوائس کی تیاری میں تاخیر ہو رہی ہے، تاہم رپورٹ میں کہا گیا کہ اس کی وجہ میموری چپس کی قلت ہے۔
