سونا ہزاروں روپے سستا، جانیے فی تولہ قیمت کیا ہو گئی؟

عالمی اور مقامی مارکیٹوں میں سونے کی قیمت میں آج بڑی کمی ہوئی ہے۔ آل پاکستان صرافہ جیمز اینڈ جیولرز ایسوس ایشن کے مطابق فی تولہ سونے کی قیمت 8600 روپے کم ہو کر 5 لاکھ 19 ہزار 962 روپے ہو گئی۔

10 گرام سونے کی قیمت 7373 روپے کم ہو کر 4 لاکھ 45 ہزار 783 روپے ہو گئی۔

بین الاقوامی بلین مارکیٹ میں جمعہ کو فی اونس سونے کی قیمت 86ڈالر کی کمی سے 4ہزار 972ڈالر کی سطح پر آگئی۔

اسی طرح عالمی مارکیٹ میں فی اونس چاندی کی قیمت بھی 5ڈالر 10سینٹس کی کمی سے 78ڈالر 40 سینٹس کی سطح پر آگئی۔

فی اونس چاندی کی قیمت میں کمی سے مقامی صرافہ مارکیٹوں میں بھی فی تولہ چاندی کی قیمت 501 روپے کی کمی سے 8 ہزار 324روپے اور فی دس گرام چاندی کی قیمت 430روپے کی کمی سے 7ہزار 136روپے کی سطح پر آگئی۔