گوگل نے کم قیمت میں فلیگ شپ ماڈل کی خصوصیات والا اپنا گوگل پکسل 10 اے سمارٹ فون متعارف کروا دیا۔ گوگل پکسل 10 اے درمیانی رینج والا سمارٹ فون ہے جس کا مقصد فلیگ شپ طرز کی AI خصوصیات، کیمرے کی کارکردگی اور کم قیمت پر طویل مدتی سافٹ ویئر سپورٹ فراہم کرنا ہے۔
گوگل کاکہناہے کہ گوگل پکسل 10 اے 499 ڈالرسے شروع ہوتا ہے ، اسے Pixel ایکو سسٹم میں ایک سستے فون کے طور پرپیش کیاگیاہے جس میں بہت سے جدید AI سے چلنے والے ٹولز اور کیمرے کی صلاحیت بھی شامل ہے۔
اس فون میں 6.3 انچ کا ایکٹوا ڈسپلے، گوریلا گلاس 7i کے ساتھ بہتر پائیداری اور پانی اور دھول کے خلاف مزاحمت کے لیے IP68 شامل ہے جو گوگل کے مطابق اسے اب تک کا سب سے پائیدار A-سیریز پکسل بناتا ہے۔
کمپنی کایہ بھی کہناہے کہ یہ فون 30 گھنٹے سے زیادہ کی بیٹری لائف پیش کرتا ہے اور پہلی بار A-سیریز میں سیٹلائٹ SOS سپورٹ متعارف کرایا گیا ہے جس سے صارفین سیلولر کوریج کے بغیر بھی ایمرجنسی سروسز سے رابطہ کر سکتے ہیں۔
