سونے کی قیمتوں کو "بریک” لگ گئی، مسلسل اضافے کے بعد فی تولہ قیمت میں بڑی کمی

ملک میں مسلسل اضافے کے بعد سونے کی قیمت میں کمی ریکارڈ کی گئی ہے۔

آل پاکستان صرافہ جیمز اینڈ جیولرز ایسوسی ایشن کے مطابق فی تولہ سونے کی قیمت 700 روپے کمی کے بعد 5 لاکھ 40 ہزار 562 روپے ہو گئی ہے۔

اسی طرح 10 گرام سونے کی قیمت 600 روپے کم ہو کر 4 لاکھ 63 ہزار 444 روپے ہو گئی ہے۔

واضح رہے کہ آج کی کمی سے قبل فی تولہ سونا گزشتہ سات سیشنز کے دوران مجموعی طور پر 26 ہزار 500 روپے مہنگا ہوا تھا۔

ایسوسی ایشن کے مطابق عالمی مارکیٹ میں بھی سونے کی قیمت میں کمی دیکھی گئی، جہاں فی اونس سونا 7 ڈالر سستا ہو کر 5 ہزار 178 ڈالر پر آ گیا۔