عالمی مارکیٹ میں سونے اور چاندی کی قیمتوں میں نمایاں کمی ریکارڈ کی گئی۔ عالمی مارکیٹ میں سونا 139 ڈالر سستا ہو کر 5272 ڈالر فی اونس ہوگیا، پاکستان میں فی تولہ سونا 13 ہزار 900 روپے کمی کے بعد سستا ہوگیا، ایک تولہ سونا سستا ہوکر 5 لاکھ 49 ہزار 962 روپے کی سطح پر آگیا۔
10 گرام سونا سستا ہو کر 4 لاکھ 71 ہزار 503 روپے پر پہنچ گیا اس کے علاوہ فی تولہ چاندی سستی ہوکر 8 ہزار 904 روپے کی کم سطح تک آگئی۔
خیال رہے کہ گزشتہ روز سونے اور چاندی کی قیمتوں میں بڑا اضافہ ہوا،عالمی مارکیٹ میں سونا 133 ڈالر مہنگا ہوکر 5411 ڈالر فی اونس پر پہنچ گیا تھا۔
مقامی صرافہ مارکیٹ میں ایک تولہ سونا 13300 روپے مہنگا ہواجس کے بعد ایک تولہ سونے کی قیمت 5 لاکھ 63 ہزار862 روپے پر پہنچ گئی تھی۔
ایک تولہ چاندی 188 روپے مہنگی ہوکر 10 ہزار 50 روپے پر پہنچ گئی،اس طرح سرمایہ کاروں کی سونے اورچاندی میں سرمایہ کاری ایک بار پھر سے محفوظ رہی ہے۔
