اوگرا نے ایل پی جی کی قیمتوں میں اضافے کی خبروں کو مسترد کردیا۔ اوگرا کی جانب سے جاری کئے گئے اعلامیہ میں کہا گیا ہے کہ ایل پی جی کی قیمتوں کا کوئی نیا نوٹیفکیشن جاری نہیں کیا گیا، ایل پی جی کی قیمتیں ہر ماہ کی پہلی تاریخ سےلاگو ہوتی ہیں۔
اعلامیہ کے مطابق ایل پی جی کی قیمتیں بڑھنےسے متعلق کوئی بھی دعویٰ یا افواہ غلط ہے،عوام اوگراکی مقرر کردہ قیمتوں پر ایل پی جی خریدیں۔
اعلامیہ میں مزیدکہاگیاہے کہ ایل پی جی کی زیادہ قیمت وصولی پرمقامی انتظامیہ سے فوری رابطہ کریں، اوگرا ایل پی جی کی قیمتوں میں شفافیت برقراررکھنے کے لیے پر عزم ہے۔
واضح رہے کہ بعض میڈیا پرایل پی جی کی فی کلوقیمت میں100 روپے تک اضافےکی خبریں سامنے آئی تھیں۔